Day: 13 December 2025

我哋花園後面有幾棵樹，由九月開始一直落葉。因為風向關係，大部分落葉都吹入我哋個花園。之前某人嘗試清理，但效果唔理想。直到十二月，見到幾棵大樹終於落晒葉，我又驚落葉積得太厚，會阻礙去水、生菇或者發霉。剛好今天天氣不錯，於是的起心肝，二人合力動手清理。

部分落葉積到差唔多有兩、三吋厚，經過一個半小時，終於全部清走，花園回復清爽。

清完之後，我哋終於明白，點解掃地僧嘅武功會咁高強。